ചെയ്യുന്നതെന്തും ദൈവത്തില്‍ ചെയ്യുക
ജോസ് ഉക്കുറു, മാനേജീങ്ങ് ഡയറക്ടര്‍, പി.വി. ഉക്കുറു ആന്റ് സണ്‍സ്, കോയമ്പത്തൂര്‍, കൊച്ചി
ഇരൂമ്പ്-ഉരുക്കുവ്യവസായത്തില്‍ കേരളത്തിലും തമിഴ്‌നാട്ടിലുമടക്കം സൗത്ത് ഇന്‍ഡ്യയില്‍ നിറസാന്നിദ്ധ്യമാണ് പി.വി. ഉക്കുറു & സണ്‍സിന്റെ സാരഥി ജോസ് ഉക്കുറു. തന്റെ 46 വര്‍ഷത്തെ ബിസിനസ് ജീവിതത്തില്‍ നിന്നും താന്‍ നേടിയ അറിവുകള്‍ വിജയഗാഥയുമായി പങ്കുവയ്ക്കുന്നു.
ബിസിനസ്സില്‍ ഗുണനിലവാരത്തിനും വിലയ്ക്കും വലിയ പ്രാധാന്യമാണെന്ന് സംരംഭകര്‍ മനസ്സിലാക്കണം. ഉപഭോക്താക്കള്‍ പലതരത്തിലുള്ളവരാണ്. ചിലര്‍ ഗുണനിലവാരത്തില്‍ മാത്രം ശ്രദ്ധിക്കുന്നവരാണ്. ചിലര്‍ കുറഞ്ഞവില മാത്രം നോക്കിവരുന്നവരാണ്. അതായത് കസ്റ്റമറുടെ ആവശ്യമനുസരിച്ച് ഇടപെടാന്‍ ശ്രമിക്കണം. ജോസ് ഉക്കുറു പറയുന്നു.
മത്സരം ധാരാളമുള്ള മേഖലയാണ് ബിസിനസ്. അതുകൊണ്ട് വളരെ പക്വതയോടുകൂടിവേണം ബിസിനസിനെ സമീപിക്കാന്‍. മത്സരത്തിന്റെ ഭാഗമായി നമ്മുടെ അതേ മേഖലയിലുള...