സുഗി ഹോംസ് – വിശ്വാസത്തില്‍ വളര്‍ന്ന മൂന്നര പതിറ്റാണ്ട്
'കഠിനാധ്വാനം പ്രതിഭകളെ വളര്‍ത്തും' റഷ്യന്‍ ഭാഷയിലെ പ്രശസ്തമായ ഈ പഴഞ്ചൊല്ലിനോട് 100 ശതമാനവും നീതി പുലര്‍ത്തുന്നതാണ് സുഗി ഹോംസിന്റെ സാരഥി സുരേഷ് ബാബുവിന്റെ ജീവിതം. ഉപഭോക്താവിന്റെ സന്തോഷവും സംതൃപ്തിയും ലക്ഷ്യമിട്ട'് പ്രവര്‍ത്തിക്കുന്ന ബില്‍ഡറാണ് സുരേഷ് ബാബു. തന്റെ 20-ാമത്തെ വയസ്സില്‍ സംരംഭകത്വത്തിലേക്കിറങ്ങിയ സുരേഷ് ബാബു, തന്റെ കഠിനാധ്വാനവും അര്‍പ്പണ മനോഭാവവും ഒന്നുകൊണ്ട് മാത്രം നേടിയെടുത്തതാണ് ഇന്നത്തെ സല്‍പ്പേരും വിശ്വസ്യതയുമെല്ലാം. 4 പതിറ്റാണ്ടോടടുക്കുന്ന തന്റെ സംരംഭക ജീവിതത്തേക്കുറിച്ച് വിജയഗാഥയുമായി സുരേഷ് ബാബു സംസാരിക്കുന്നു.
20-ാമത്തെ വയസ്സില്‍ വൈപ്പിനില്‍ തന്റെ വീടിനോട് ചേര്‍ന്ന് ഒരു സോഡാ നിര്‍മ്മാണ യൂണിറ്റ് തുടങ്ങിക്കൊണ്ടായിരുന്നു സുരേഷ് ബാബു എന്ന സംരംഭകന്റെ ജനനം. രാപകില്ലാതെ അദ്ധ്വാനിച്ച് സുരേഷ് തന്റെ സോഡാ ബിസിനസ് കൊച്ചി മുഴുവന്‍ വ്യാപിപ്പിച്ചു. 1990-കളോടെ കേരളത്തിലെ റിയ...