0
0
മുംബൈ ആസ്ഥാനമായി പ്രവര്‍ത്തിക്കുന്ന സ്‌കൈ ഈസ് ലിമിറ്റഡ് ടെക്‌നോളജീസ്, മംഗളം ദിനപത്രം നല്‍കുന്ന ഗെയിം ചേയ്‌ഞ്ചേഴ്‌സ് ഓഫ് കേരള-ബിസിനസ്സ് ഇന്നോവേഷന്‍ അവാര്‍ഡിന് അര്‍ഹനായി. കൊച്ചി ലെ മെറിഡിയന്‍ ഹോട്ടലില്‍ നടന്ന പുരസ്‌കാര ചടങ്ങില്‍ വ്യവസായ വകുപ്പ് മന്ത്രി പി. രാജീവില്‍ നിന്നും സ്‌കൈ ഈസ് ലിമിറ്റഡ് ടെക്‌നോളജിസിന്റെ സി.ഇ.ഒ. മനോദ് മോഹനും, പാര്‍ട്ണര്‍ സുനീല്‍ മേനോനും ചേര്‍ന്ന് അവാര്‍ഡ് ഏറ്റുവാങ്ങി. ഒരു സ്ഥാപനങ്ങളുടെ സെയില്‍സ് സ്റ്റാഫിനുള്ള വെര്‍ച്വല്‍ ഓഫീസായ സെയില്‍സ് ഫോക്കസ്, വീഡിയോ കോണ്‍ഫറന്‍സിങ്ങ് ആപ്ലിക്കേഷനായ ഫോക്കസ് എന്നീ ആപ്പുകളുടെ മികവിനാണ് സ്ഥാപനം പുരസ്‌കാരത്തിന് അര്‍ഹമായത്.
15 വര്‍ഷങ്ങള്‍ക്ക് മുന്‍പ് പത്തനംതിട്ടയിലെ അടൂര്‍ എന്ന കൊച്ചു പട്ടണത്തില്‍ ഒരു വാടക കെട്ടിടത്തില്‍ 3 ജീവനക്കാരുമായി തന്റെ സംരംഭക യാത്രയ്ക്ക് തുടക്കം കുറിച്ച മനോദ് മോഹന്‍ എന്ന യുവസംരംഭന്‍ അനവധി പ്രതിസന്ധികളെ അതിജീവിച്ചാണ് സ്‌കൈ ഇസ് ലിമിറ്റഡ് ടെക്‌നോളജീസിനെ ഇന്ന് ലോകമെമ്പാടും അറിയപ്പെടുന്ന സി.ആര്‍.എം. സോഫ്റ്റ്‌വെയറാക്കി മാറ്റിയത്. എന്നാല്‍ അവിടെ നിന്നും അദ്ദേഹത്തിന്റെ സെയ്ല്‍സ് ഫോക്കസ് എന്ന ബ്രാന്റ് ഇന്ന് കൊച്ചി, മുംബൈ, ദുബായ്, അമേരിക്ക എന്നിവിടങ്ങളില്‍ കൂടി ഓഫീസുകള്‍ സ്ഥാപിച്ച് മില്ല്യന്‍ ഡോളര്‍ സ്്ഥാപനമാക്കി മാറി എന്നത് നാം മലയാളികള്‍ ഓരോരുത്തര്‍ക്കും അഭിമാനമുളവാക്കുന്ന കാര്യമാണ്.
അതിജീവനത്തിന്റെ കനല്‍വഴികള്‍ പിന്നിട്ട കഥയാണ് മനോദ് മോഹന്‍ എന്ന യുവ സംരംഭകന് നമ്മോട് പറയാനുള്ളത്. എയര്‍ ഡക്കാനില്‍ ഫ്‌ളൈറ്റ് സ്റ്റ്യൂവാര്‍ഡ് ആയി ജോലി ചെയ്യുകയായിരുന്ന മനോദ്, തന്റെ പിതാവിന്റെ ഫാമിലി ബിസിനസിലുണ്ടായ തകര്‍ച്ചയുെട ഫലമായി നേരിട്ട കടുത്ത പ്രതിസന്ധികളെ അതിജീവിച്ച കഥ വിജയഗാഥയുടെ മുന്‍ ലക്കത്തില്‍ പ്രസിദ്ധീകരിച്ചതാണ്-
മനോദിന്റെ സ്വര്‍ഗ്ഗരാജ്യം
