വെളിയങ്കോടിന്റെ നഷ്ടപ്രതാപം വീണ്ടെടുക്കുന്ന ഹവ്വാഹുമ്മ ടീച്ചര്‍
വെളിയങ്കോടിന്റെ ആ നഷ്ട പ്രതാപത്തെ വീണ്ടെടുക്കുന്നതിന് നെടുനായകത്വം വഹിക്കുകയാണ് ഹവ്വാഹുമ്മ ടീച്ചര്‍
വെളിയങ്കോട് എന്ന ഗ്രാമത്തിന് മലബാറിന്റെ കലാ കായിക വിദ്യാഭ്യാസ സാംസ്‌കാരിക ചരിത്രത്തില്‍ വലിയ സ്ഥാനമുണ്ടായിരുന്നു. പക്ഷേ ഇടക്കാലത്ത് ആ മഹിമ നഷ്ടപ്പെട്ടു പോയി. വെളിയങ്കോടിന്റെ ആ നഷ്ട പ്രതാപത്തെ വീണ്ടെടുക്കുന്നതിന് നെടുനായകത്വം വഹിക്കുകയാണ് ഹവ്വാഹുമ്മ ടീച്ചര്‍.
ഏതൊരു നാടിന്റേയും സര്‍വ്വ മണ്ഡലങ്ങളിലുമുള്ള വികസനത്തിന്റെ ഭാഗധേയം നിര്‍ണയിക്കുന്നത് ആ നാട്ടില്‍ സ്ഥിതി ചെയ്യുന്ന വിദ്യാഭ്യാസ സ്ഥാപനങ്ങളാണ്. ചരിത്രം നമ്മെ പഠിപ്പിച്ചതും അതു തന്നെയാണ്. മുപ്പത് വര്‍ഷം പൊന്നാനി എം.ഇ.എസ് കോളേജില്‍ ഫിസിക്‌സ് അധ്യാപികയായി ജോലി ചെയ്ത ടീച്ചര്‍ക്ക് ഇതിനെക്കുറിച്ച് കൃത്യമായ ധാരണയുണ്ടായിരുന്നു. മാത്രമല്ല വെളിയങ്കോട് പോലുള്ള ഒരു ഗ്രാമത്തില്‍ ഒരു വിദ്യാഭ്യാസ സ്ഥാപനത്തിന് എന്ത് മാത്രം സ്വാധീനം ചെലുത്താന്‍ സാ...
