0
0
ക്രാബ്ട്രീ സിഗ്നിയ സ്വിച്ചുകളുടെ നൂതന ശ്രേണി അവതരിപ്പിച്ച് പ്രമുഖ ഫാസ്റ്റ് മൂവിങ് ഇലക്ട്രിക്കല്‍ ഗുഡ്സ് (എഫ് എം ഇ ജി) കമ്പനിയായ ഹാവെല്‍സ് ഇന്ത്യ ലിമിറ്റഡ്. സ്മാര്‍ട്ട്, ലക്ഷ്വറി (സിഗ്നിയ സ്മാര്‍ട്ട്, സിഗ്നിയ ഗ്രാന്‍ഡ്) എന്നീ രണ്ട് വിഭാഗങ്ങളിലായാണു സ്വിച്ചുകള്‍ അവതരിപ്പിച്ചിരിക്കുന്നത്. ഹാവെല്‍സ് ആര്‍ ആന്‍ഡ് ഡി സെന്ററില്‍ രൂപകല്‍പ്പന ചെയ്ത ഈ സ്വിച്ചുകള്‍ ഗംഭീര രൂപഭംഗിയും നൂതന സാങ്കേതികവിദ്യയും ഒത്തുചേര്‍ന്നതാണ്. ഉപഭോക്താക്കള്‍ക്ക് ഒരേ ഡിസൈനിലുള്ള സ്മാര്‍ട്ട് അല്ലെങ്കില്‍ മെക്കാനിക്കല്‍ സ്വിച്ചുകള്‍ തിരഞ്ഞെടുത്ത് വീടിന്റെ അലങ്കാരവുമായി ചേരുന്ന തരത്തില്‍ അവ വിന്യസിക്കാന്‍ കഴിയും.
ആളുകള്‍ വീടിനുള്ളില്‍ തന്നെ തുടരാന്‍ ഇടയാക്കുന്ന കോവിഡ് മഹാമാരിയുടെ സാഹചര്യത്തില്‍ സംയോജിത സാങ്കേതിക ഉല്‍പ്പന്നങ്ങളിലൂടെ സൗകര്യവും സുരക്ഷയും തേടുന്നത് അത്യന്താപേക്ഷിതമാണ്. രണ്ട്, നാല് ചാനല്‍ റിലേ സ്വിച്ചുകള്‍, സ്മാര്‍ട്ട് സിംഗിള്‍-ചാനല്‍ പവര്‍ സ്വിച്ച്, കര്‍ട്ടന്‍ റിലേ സ്വിച്ച്, ഒരു സ്മാര്‍ട്ട് ഫാന്‍ റെഗുലേറ്റര്‍ എന്നിവ ഉള്‍പ്പെടുന്ന സിഗ്നിയ സ്മാര്‍ട്ട് ശ്രേണികളിലൂടെ ഉപഭോക്താക്കളുടെ ആവശ്യങ്ങള്‍ ഹാവെല്‍സ് നിറവേറ്റുന്നു. വൈവിധ്യമാര്‍ന്ന ഈ ശ്രേണി, കണക്റ്റ് ചെയ്ത ഉപകരണങ്ങളെ നിയന്ത്രിക്കാന്‍ സഹായിക്കുന്നു, കര്‍ട്ടനുകള്‍, എല്‍ ഇ ഡി ലൈറ്റുകള്‍, മറ്റു ചലനങ്ങള്‍ എന്നിവയുടെ എളുപ്പത്തിലുള്ള നിയന്ത്രണം സാധ്യമാക്കുന്നു. ഹാവെല്‍സ് സിങ്ക് ആപ്പ് (Havells Sync App) വഴിയും സ്മാര്‍ട്ട് മൊഡ്യൂളുകള്‍
നിയന്ത്രിക്കാനാകും (ഞങ്ങളുടെ മറ്റ് ഉല്‍പ്പന്ന വിഭാഗങ്ങളില്‍നിന്നുള്ള മറ്റ് ഹാവല്‍സ് ഐ ഒ ടി ഉപകരണങ്ങളും ഇതിനു നിയന്ത്രിക്കാനാകും). കൂടാതെ, ആമസോണ്‍ അലക്സ പോലുള്ള വോയ്സ് അസിസ്റ്റന്റുകള്‍ ഉപയോഗിച്ചും ഈ സ്വിച്ചുകള്‍ നിയന്ത്രിക്കാം. വീട്ടില്‍ ഡിസൈനര്‍ ഫിനിഷിങ് ആഗ്രഹിക്കുന്ന ഓരോ ഉപഭോക്താവിനും പ്രീമിയം, ക്ലാസി ടച്ച് നല്‍കുന്ന സിഗ്നിയ ഗ്രാന്‍ഡ് ശ്രേണിയിലൂടെ അത് സാധ്യമാക്കാനാകും. പ്ലാസ്റ്റിക്, മെറ്റല്‍ പ്ലേറ്റുകള്‍, ഗ്ലാസ് പ്ലേറ്റുകള്‍, വുഡ് ഫിനിഷ് പ്ലേറ്റുകള്‍ തുടങ്ങി 11 വ്യത്യസ്ത ഫിനിഷുകളില്‍ സിഗ്നിയ ഗ്രാന്‍ഡ് ശ്രേണി സ്വിച്ചുകള്‍ ലഭ്യമാണ്. ഉപഭോക്താക്കള്‍ക്കു തങ്ങളുടെ സ്വിച്ചുകള്‍ സ്മാര്‍ട്ടാക്കാന്‍ അതേ പ്ലേറ്റില്‍ സിഗ്നിയ സ്മാര്‍ട്ട് മൊഡ്യൂളുകള്‍ ഘടിപ്പിക്കാനും കഴിയും.
